هنتكلم دلوقتى بالتفصيل عن المستندات والاجراءات المطلوبة من المهندس او المكتب الهندسي لاستخراج تراخيص البناء طبقا للقانون 119/2008 ولائحته التنفيذية رقم 144/2009 وهنقسم المقال لاربع اقسام وهي :
- المستندات المطلوبة للتراخيص ودى تنقسم الي ( تراخيص بناء جديد - تراخيص تعليه او تعديل - تراخيص ترميم او تدعيم - تراخيص تشطيبات خارجية ) .
- اجراءات استخراج التراخيص
- المستندات المطلوبة قبل البدء بالتنفيذ باسبوعين
- خطوات الحصول على تراخيص البناء ودى تنقسم الي ( الحصول على شهادة صلاحية - التعاقد مع مهندس او مكتب هندسي - متطلبات المهندس من المالك - استلام التراخيص )
المكتب الهندسي بيقدم طلب للجهة الادارية مرفق فيه الاتى :
أ - رسومات بالتشطيبات الخارجية معتمدة من المكتب الهندسي
ب- مقايسة من المكتب الهندسي ببنود الاعمال وقيمتها
ولمعرفة اجراءات وخطوات تقديم ملف التصالح فى مخالفات البناء طبقا للقانون الجديد اضغط هنا
ثانيا : اجراءات استخراج التراخيص
أ - تقديم الطلب : وهنا بيقدم المكتب الهندسي ملف المستندات ومعاه شهادة صلاحية لاعمال وايصال سداد الرسوم
ب- تسجيل الطلب : الجهة الادارية بتستلم الملف وبتسجل كل المستندات وتديلة رقم تسلسلى مؤرخ
ج- بيان الاستلام : دا بيان بتدية الجهة الادارية للمهندس او المالك وبيفيد استلام الملف ومحتوياته
د- فحص الطلب : الجهة الادارية بتدرس هنا الملف كويس وبتتفحص المخططات
هـ - صلاحية الاعمال : فى المرحلة دى الجهة الادارية بتعتمد شهادة صلاحية الاعمال وبعدها ب 30 يوم بيتم اصدار التراخيص
ك- طلب ومدة الاستفياءات : بالملخص كدة لو الاوراق فيها مشاكل او مش كاملة الجهة الادارية بتبعت على عنوان المكتب الهندسي بطلب استيفاء الملف والملاحظات فى خلال اسبوع من استلام الملف وبشرط ان المكتب الهندسي يستوفى فى مدة لا تزيد عن 21 يوم وبعد الاستيفاء ب 21 يوم لازم يطلع التراخيص من الجهة الادارية
ل- عدم الاستفياءات : لو المكتب عدى عليه 21 يوم ولم يستوفى الطلب من الجهة الادارية ساعتها بيتم رفض الترخيص وبيروح المكتب يستلم الملف تانى من الجهة الادارية
ن- التظلم والرفض : فى حالة رفض الترخيص المكتب بيقدم طلب ترخيص تانى بس بيروح للجنة التظلمات بالجهة الادارية
ر- تعديل الرسومات : لو تم الترخيص ماينفعش تعدل على اللوحات المعتمدة ولو عاوز تعدل لازم تعمل ترخيص تعديل جديد
ثالثا : المستندات التى يقدمها المالك قبل الشروع بالتنفيذ بأسبوعين :
المالك قبل ما يبدأ بالتنفيذ باسبوعين بعد طبعا اصدار التراخيص لازم يقدم خطاب للجهة الادارية موصى عليه بعلم الوصول بيخطرهم فيه بالبدء بالتنفيذ ويرفق مع الخطاب المستندات الاتية :
أ- لو قيمة الاعمال تزيد عن 350 الف جنيه لازم ترفق صورة من عقد مقاولة تنفيذ الاعمال مع مقاول معتمد من الاتحاد المصري لمقاولى التشييد والبناء
ب- صورة من شهادة الاشراف من المهندس او المكتب الهندسي المشرف على التنفيذ وتكون معتمدة من نقابة المهندسين
رابعا : خطوات الحصول على تراخيص البناء
1- الحصول على شهادة الصلاحية :
لو رجعنا لاول نقطة فى المستندات هنلاقي انك لازم تقدم شهادة صلاحية الشهادة دى بترفق فيها الاوراق الاتية
1-1 . صورة البطاقة
1-2 .ايصال سداد الرسوم
1-3 . بتاخد وصل استلام الطلب
1-4 . بعد اسبوع بترجع للجهة الادارية تستلم الطلب بالوصل بالاعتماد او بالملاحظات والرفض
2- التعاقد مع مهندس او مكتب هندسي :
لازم المالك يتعاقد مع مكتب هندسي يقدملة ملف التراخيص طبقا للفئات الاتية :
فئة أ : لجميع الاعمال ودى شرط يكون المهندس ( معماري او مدنى او ميكانيكا خبرته اكتر من 10 سنوات )
فئة ب : المباني السكنية اللى كامل ارتفاعها لا يزيد عن 34 متر او مبانى ادارية وتجارية لا تزيد عن 22 متر ارتفاع ودى شرط يكون المهندس يكون نقابى معتمد معمارى او مدنى له سجل هندسي فى مجاله
3- يوافي المالك المهندس او المكتب الهندسي بالاتي :
3-1 . ملكية الارض
3-2 . صورة البطاقة
3-3 . توكيل رسمى للمهندس او يروح بنفسه للجهة الادارية
3-4. . شهادة صلاحية الموقع
4- استلام التراخيص
يستلم هنا المالك او ممثله الترخيص قانونا ونسخة معتمدة من الرسومات الاصلية بعد سداد الرسوم المستحقة من الجهة الادارية وذلك ف خلال 30 يوم من استلام الملف كما ذكرت سابقا
ومبروك التراخيص واتمنى اكون افادتكم
لاي استفسار اترك تعليقك وساقوم بالرد بعون الله ...👌👌
ليست هناك تعليقات:
إرسال تعليق