👈لاي مهندس لسه متخرج فيه معلومات كدة لازم تكون واخد بالك منها وانت داخل الموقع واكيد ماحدش قالك عليها فى الكلية ( لازم تاخد بالك ان الدراسة تعتبر مفتاح فقط لعالم الهندسة ومجرد انك تتخرج فانت بتبدأ تتعلم وليس العكس ) المهم علشان ماطولش عليكوا يالا بينا نبدأ :
الجسات
- لازم ناخد جسات بمعدل اتنين كل 300 م2 من مساحة المبنى ولا تقل عن اتنين
- طبعا تقرير التربية بيحدد قوة تحمل التربة - منسوب الحفر - منسوب المياة الجوفيه - نوع الاسمنت المستخدم اسفل الارض - سمك الغطاء الخرسانى
الخوازيق
- خوازيق السند تكون بطول مرة ونصف او ضعف عمق الحفر
- الخوازيق الحاملة للمبنى يركب لها طوق داخلى كل 1.5 م ومايقلش قطره عن 16 مم دا غير الكانات الحلزونية بقطر 8 مم كل 20 سم
- منسوب خرسانة الخازوق بعد التكسير تكون فوق العادية ب 10 سم
- طول اشاير الخازوق 65 القطر او لا تقل عن 1 م
- لا يتم البدء بالتنفيذ الا بعد مرور 28 يوم من تاريخ صب اخر خازوق حامل
- وطبعا ننفذ خوازيق السند وبعدين الخوازيق الحاملة وبعدين نزح المياة
الشدات
- كمية الواح اللتزانة لشد سقف سوليد سلاب م2 = 2 * مسطح السقف
- كمية الواح اللتزانة لشد سقف فلات سلاب والهوردي م2 = 1.5 * مسطح السقف
- الالوح بتتطلب بالمتر المكعب وعلشان نكعبها = كمية الالواح بال م2 * 0.025
- عدد القوائم لشدة سقف ايا كان نوعه = مساحة السقف *0.8 * 0.8
اماكن الوصلات فى البلاطات
الفلات سلاب
- يتم وصل الشبكة السفلية عند الاعمدة
- الحديد الاضافي السفلي فى المنتصف
- يتم وصل الشبكة العلوية فى المنتصف
- والحديد الاضافي العلوي عند الاعمدة
اللبشة المسلحة
- يتم وصل الشبكة السفلية عند المنتصف
- الحديد الاضافي السفلي عند الاعمدة
- يتم وصل الشبكة العلوية عند الاعمدة
- والحديد الاضافي العلوي عند المنتصف
صب الخرسانة
- الخرسانة العادية 1 م3 يحتاج (0.8 م3 زلط + 0.4 م3 رمل + 5 شكاير اسمنت + 125 لتر مياه )
- الخرسانة المسلحة1 م3 يحتاج (0.8 م3 زلط + 0.4 م3 رمل + 7 شكاير اسمنت + 175 لتر مياه )
- نسب الخلط فى الموقع لعمل خرسانة مسلحة بكمية (1/7 م3 )
- 4 غلق زلط + 2 غلق رمل + شيكارة اسمنت + 25 لتر مياة
او
- 2 برويطة زلط + ا برويطة رمل + شيكارة اسمنت + 25 لتر مياة
او
- مغرفة لودر صغير زلط + 0.5 مغرفه رمل + شيكارة اسمنت + 25 لتر مياة
ملاحظات هامة
- يراعي تركيب كانات لاشاير الاعمدة مع الحديد العلوي للسقف وعند اطراف الاشاير ويفضل تكون كانات عيون
- يراعي اخذ 6 مكعبات لكل 100 م3 خرسانة
- يراعى اخد 6 مكعبات لكل يوم صب حتى لو الكمية اقل من 100 م3
- يراعي رش الشدات بالمياة قبل الصب
- زمن الشك الابتدائي 45 دقيقه
- زمن الشك النهائي 8-10 ساعات
- لا تقل مدة فك الشدات عن اسبوع
- اقل مسافة بين الاسياخ = قطر اكبر سيخ او 2.5 سم او مقاس الركام الاكبر ( ايهما اكبر )
البلاطات الخرسانية
- يتم تنفيذها فى المصانع -الجراجات-المخازن-محطات الوقود-مواقف السيارات
- لاتقل المساحة للبلاطة الواحدة عن 25 م2
- يتم صبها بالشطرنج حتى الانتهاء منها يتم رشها بايبوكسى مانع للاحتكاك وتنعيمها بالهليكوبتر
- لو سمكها 16 سم طبقة واحدة حديد ولو اكتر طبقتين
مواد الخرسانة
- الرمل لازم يكون حرش ونظيف
- المياة لازم تكون نقيه ويتم اختبارها
- الاسمنت بورتلاندى
الزلط
- الفولى مقاس 1 سم وبنصب بيه الخرسانة المسلحة
- الفينو مقاس 1-2.5 سم للخرسانة المسلحة
- العادي مقاس 2.5-4 سم خرسانة عادية
- الفاير مقاس اكبر من 4 سم لتربة الاحلال
فواصل الصب
- 1/3 البحر النظيف
وصلات الحديد
- طول الوصلة 65 القطر ولا يقل عن 1 م
- لايزيد وصل الحديد عن 25 % من مساحة الاسياخ او تبادلى
- لو تعرض السيخ لشد محوري لازم وصل ميكانيكى كابلر
- فى الكباري لازم وصل ميكانيكى لو زاد الطول عن 12 م
- اى قطر اكبر من 28 مم لازم وصل ميكانيكى
- تكسير المكعبات بعد 7 ايام من الصب ولابد تحقيق 75 % من المقاومة المطلوبة
- تكسير المكعبات بعد 28 ايام من الصب ولابد تحقيق 100 % من المقاومة المطلوبة
- لو فشلت المكعبات فى الاختبار بعد 28 يوم ناخد كور تست بعد 56 يوم من الصب
- اذا فشل الكور تست بردو نعمل حلول تصميميه ولو فشلت كسر وخلاص قرفتونا 😃
نهاية الجزء الاول ---- تابعونا
ليست هناك تعليقات:
إرسال تعليق