طبعا فى البداية كلنا عارفين انك لو سبت الراوتر بنفس الرقم السرى بتاعه سهل جدا على اى مخترق انه يستفيد منه ويخلص الميجا بايت وحضرتك طبعا تدفع فى فواتير وتجديد باقات وانت ما استفدتش منها حاجة .
دلوقتى وبسهولة جداا تقدر تغير فى الرقم السرى للراوتر فى خمس خطوات وبسهولة جدااا ومن خلال الاعدادات اللى هوضحها لحضرتك كمان ممكن تغير فى الاسم وعدد المشتركين المسموح ليهم بالاشتراك فى الشبكة طبقا لرؤيتك.
نبدأ فى الخطوات :
1- حضرتك هتفتح صفحه عادية جدااا وتكتب فوق الاي بي دا 192.168.1.1 وبعدها هتسجل اسم المستخدم admin والرقم السرى هتلاقيه فى ضهر الراوتر
2- اول ماتفتح معاك اضغط على كلمه Network زى كدة
3- هتظهر قايمة نختار منها wlan زى كدة بردو :
4- هتظهرلك قايمة تانى اختر منها ssid setting ومعلش استحملنا شوية :
5- بعد ماتاخد كوباية شاي لانك تعبت من الحوارات اللى فوق دى هتيجى تانى هتلاقي صفحة خطيرة مفتوحة هتقوم حضرتك بقا عامل ايه ؟؟؟ تيجى على اول اتنين تعلم عليهم وتفعلهم وهما hide ssid - enable ssid ونخلى التالت لواحدة من غير تفعيل وتحدد بقا عدد الاشخاص اللى متاح ليهم يدخلوا على الشبكة وتغير الرقم السرى وتعيش حياتك ... ماتنساش وانت خارج تقفل الباب وراك بانك تضغط submit علشان ربنا يسترها معانا .
لا تنسونا من دعائكم واشوفكم فى معلومه هايفه جديدة
المهندس
ليست هناك تعليقات:
إرسال تعليق