الجزء الرابع : استلام اعمال الكهرباء
هنكمل كلامنا فى سلسلة اعداد مهندس موقع محترف باللهجة العامية وزى ماتعلمنا ازاى نستلم اعمال الحفر والجنزيرة والاساسات والاعمدة والاسقف والمبانى والبياض بالاجزاء الاول والثاني والثالث هنتعلم انهاردة ازاى نستلم اعمال الكهرباء بالمبنى ومش هطول عليكوا يالا بينا :
اولا : استلام اعمال الخراطيم فى الاسقف
- اعداد مخطط نستلم عليه موضح عليه اماكن المخارج طبقا للوحات المعتمدة
- نتاكد من مقاسات المواسير طبقا للاعتماد والمواصفات
- نتاكد ان كل المخارج مرتبطة باللنبة العمومية لكل جزء
- وطبعا ربط اللنيات والمخارج كلها باللوحة الخاصة بالشقة او الدور
- نتاكد من نظافة كل المخارج فى الغرف
- ونتاكد ان مسار الخراطيم متوزع توزيع جيد وغير مؤثر على الخرسانة المسلحة للسقف والكمرات
- بخصوص التيار الخفيف لازم نتاكد من ربط المخارج بمكان التجميع
- لازم نتاكد من عدم ربط مخارج الاجهزة التقيلة زى السخانات والتكييف والغسالات والتلاجات بأى مخارج اخري وربطها فقط باللوحة مباشرة
- اقطار خراطيم التكييف 23 مم وباقي الخراطيم 16 مم
- نتاكد من عدد مواسير الصواعد وهي 5*23 مم
- نتاكد ان اللوحات مثبته على حوائط 25 سم من الرسم المعماري
ثانيا : استلام اعمال الدق
والتركيب
- نتاكد من نظافة المخارج بالاسقف والحوائط بعد الصب والتركيب عن طريق اختبار السوستة
- مطابقة اماكن وابعاد المخارج طبقا للرسم
- نتاكد من تحقيق اشتراطات الكود بخصوص ارتفاعات البرايز عن التشطيب 90 سم والبرايز 30 سم هي والتيار الخفيف
- نتاكد تانى من ربط المخارج باللوة العمومية للدور او الشقة
- نتاكد من التوزيع المثالي والمنظم للمسارات فى الحوائط
- نتاكد من عدم ربط مخارج التلفزيون والتليفون عن اى مخارج اخري
- مطابقة المواد مع الاعتمادات واستبعاد اى مادة غير معتمدة من علب او مخارج او لوحات او خلافه
- نتاكد من التقاطعات والكباري وسهولة تدكيك الاسلاك خلال المواسير او الخراطيم
- نتاكد من دقة بروز العلب مع البياض ويجب التنسيق مع المعماري بخصوص بؤج البياض والحلق للابواب والشبابيك
- الاهتمام بالتحبيش الجيد حول العلب والمواسير ونخلى بالنا المعلم مايحبش بجبس
ثالثا : استلام الاسلاك
- نتاكد من نوعيه الاسلاك جيد ومساحة مقطع كل سلك مع المعتمد ونخلى بالنا ان اغلب الموردين بياخد الاسم التجاري للمعتمد ويروح يعمل زيه فى بسوس بربع التمن فلازم نخلب بالنا كويس المسائل دى فيها ارواح ناس
- نتاكد طبعا من توزيع اللنيات طبقا لاكواد الالوان
- نختبر الاسلاك عن طريق الافوميتر
- نتاكد من ربط مخارج اللنية الواحدة عن طريق روزيتات ونربطها باللوحة العموميه
- نتاكد من مقاطع الاسلاك الاتية حسب نوع واستخدام المخرج طبقا للكود والمعتارف عليه وهوا :
- مفتاح انارة عمومية بيكون السلك مقاسة 2*3 مم2 فرعيه 2*2
- مفتاح برايز عمومية بيكون 2*3مم2
- برايز القكوى بتكون مقاسها 3*3مم2 – 3*4 مم2
- مفتاح السخان بيكون 3*3 مم2
- مفتاح الغسالة بيكون 3*4 مم2
- مفتاح التكييف 3*6 مم2
- مفتاح التليفون بيكون 2(2*0.6)
- التلفزيون coxial cable 75ohm
- التغذيات العمومية (3*35*11)+16 مم2
- الصواعد 3*25+16+16 مم2
رابعا : استلام اعمال الاختبارات
- نتاكد من اعمال الفصل والتوصيل الامن عن طريق مفاتيح الانارة واللوحة العمومية
- نتاكد بردو ضرورى من سلامة القواطع فى حالة الشورت كت SC
- نتاكد من اختبار توزيع الاعمال على ال 3ph
- اختبار شدة الاشارة بخصوص التلفزيون
- اختبارات توصيل الكابلات والتليفون والتلفزيون
وبكدة نكون خلصنا استلام اعمال الكهربا واستنونا فى الجزء الخامس من استلام
اعمال اسقف الشبك الممدد والسيراميك والبلاط وازاى نستلم توريدات حلوق النجارة
ليست هناك تعليقات:
إرسال تعليق